تحدث عبد الله بكري، لاعب نادي زد، عن اختلاف أساليب تعامل الحكام مع الأندية واللاعبين داخل الملعب، مؤكدًا أن شخصية الحكم هي اللي بتحدد أسلوب التعامل، في تصريحات لبودكاست «الحوار كبير» مع الإعلامي أحمد أسامة.
شخصية الحكم تحدد اللقاء
وقال بكري: «شخصية الحكم هي اللي بتحدد اللقاء هيمشي إزاي، فيه حكم بيتعامل مع كل الأندية بنفس الطريقة، ومش بينظر لألوان أو جماهيرية النادي، وفي حكم تاني بيتعامل بحدة أكبر مع لاعبي الفرق اللي من غير جماهير».
70% يتعاملون مع الكل زي بعض
وأضاف بكري: «أعتقد إن 70% من الحكام بيتعاملوا مع الفرق كلها زي بعضها، وبيكون أسلوبهم كويس مع اللاعبين، وبيكون هدفهم يقدموا أداء جيدًا ويظهروا بشكل مميز، لأنهم بيكبروا في مسيرتهم».
واختتم تصريحاته بالإشارة إلى أن هناك نسبة من الحكام لا تتعامل بالأسلوب نفسه مع جميع الفرق واللاعبين، قائلًا إن نحو 30% منهم بيختلف تعاملهم من فريق لآخر.













